肚皮舞唔止係運動：一個45歲香港FTM點樣跳出第二人生
「叮叮叮——」清晨六點，鬧鐘如常響起。阿玲（化名）條件反射咁按停佢，望住窗外仲未光透嘅香港天空，同身邊仲喺度熟睡嘅老公。佢輕輕咁落床，為讀中學嘅阿女準備好早餐同飯盒，然後換衫，拎起個買餸車。呢一套動作，佢重複咗十幾年。
/
阿玲嘅生活就係圍住個屋企轉：買餸、煮飯、洗衫、拖地，然後再買餸。阿女開始大，唔再好似以前咁黐身；老公又忙於工作，夜晚返到嚟食完飯就攰到睇電視。阿玲覺得自己好似屋企一件傢俬，靜靜地存在，但冇人會特別留意。
「我唔係唔開心，只係覺得……好似睇到咗自己80歲仲係咁樣。」
有日佢無野做睇IG，咁岩有條片寫住：「【肚皮舞體驗班】一週留90分鐘屬於自己嘅時間。」
「肚皮舞？」阿玲心裡笑咗一下，「咁後生嘅嘢，我點得呀？個肚腩鬆泡泡，實俾人笑死。」但係「屬於自己嘅時間」呢幾個字，好似有魔力咁鉤住咗佢。
/
掙扎咗一個星期，佢終於鼓起勇氣，WhatsApp咗個電話。「我乜都唔識，又手腳唔協調得唔得㗎？」對方好快回覆：「唔緊要啊，我哋呢度好多唔同年紀同學一齊玩，好開心嫁！」
/
第一堂課，佢著住套鬆身運動衫，偷偷匿喺最後一排。音樂響起，老師嘅身軀好柔軟，腰間嘅鈴鐺聲清脆悅耳。阿玲就跟住做，覺得自己手腳唔協調，動作生硬到好似機械人咁。
「但個時好奇怪，雖然覺得攰，但係就好興奮，好耐都未有過屬於自己嘅時間。」
最初幾個月阿玲每次都偷偷去跳舞，唔敢話俾老公知，只係話「去落街行下」。直到有一次，佢唔小心將肚皮舞腰鏈留咗喺梳化。
老公拎起問：「呢條咩嚟㗎？」阿玲呢場唔好意思咁講最近參加咗肚皮舞堂。出乎意料老公竟然冇笑佢，反而話：「幾好啊，我都想你多啲出去玩，咁辛苦湊大個女，我都想你擁有自己想要嘅生活。」
/
由嗰刻開始，佢練習得更加放膽。佢發現肚皮舞嘅動作，好多都係圍繞腹部同盤骨。「以前成日嫌棄生完仔個肚腩有紋，而家反而覺得呢個就係我身體嘅故事。我唔想再收埋佢，我想學習點樣優雅咁郁動佢。」
課堂上同學會叫佢個英文名「Ada」。佢識咗一班新朋友，有同樣係媽媽嘅，有D在職OL，大家唔會問你老公賺幾多、個仔考第幾，只會互相稱讚：「嘩！你今日個動作靚咗好多喎！」
/
學咗一年半後，老師問佢：「我哋每逢九月都有個學員匯演，你想唔想試下上台表演？」
「上台？我可以？」阿玲第一反應係拒絕。但諗深一層，個心又有啲蠢蠢欲動，佢決定試下挑戰自己。
匯演當日，佢著上人生第一套閃令令嘅肚皮舞衣，第一次化上舞台妝，企喺後台望住台下漆黑中嘅觀眾，佢個心噗噗跳。音樂一響，燈光打落佢身上，佢同隊員一齊跟住拍子扭動，忘記咗自己係「阿媽」、「老婆」，只係一個純粹享受音樂同舞蹈嘅女人。
/
表演完畢，佢聽到囡囡把聲好大聲咁叫：「媽咪！你好靚啊！」落台後，老公送上一束花，眼神入面係佢好耐冇見過嘅欣賞同驚艷。
「嗰一刻，我好想喊，唔係因為辛苦，係因為我終於可以搵返自己。」
而家嘅阿玲，依然會朝早去買餸，夜晚就去上跳舞堂，佢嘅生活依然為頭家，但心入面多左個只屬於自己、閃閃發光嘅角落。
/
「肚皮舞俾我嘅，唔只身材有翻條腰線，而係一份『我都可以』嘅自信。Dorothy老師話俾我知，無論你幾多歲，係咩身份，你都有權為自己活一次，為自己發一次光。」
後記：
呢個係同學分享俾我嘅真人真事改篇，我知道好多全職同在職媽媽好多年都為頭家打拼，我都希望大家可以搵到一個讓自己能夠放鬆嘅地方。
如果你都覺得生活好似一潭死水，不妨俾個機會自己，先嚟試一堂肚皮舞，可能你嘅第二人生，就由一個簡單嘅臀部擺動開始。
📞歡迎WhatsApp 查詢: 52234167
Dance With Us🌹
================
網站｜讓肚皮舞成為你新興趣：
www.DorothyDance.com
IG｜追蹤卡帕最新演出資訊：
Mysterybellydanceacademy
Dorothybellydance
Facebook｜瀏覽最新資訊：
卡帕中東肚皮舞學院
Dorothy Ayse 多樂飛
YouTube ｜欣賞影片：
https://youtube.com/dorothyayse
WhatsApp ｜課程報名/公司包班/演出活動:
最新文章｜Dorothy故事分享：
https://dorothybellydance.blogspot.com
https://blog.ulifestyle.com.hk/article/dorothybellydance
#土耳其肚皮舞 #HaleSultan #宮廷舞 #舞蹈 #香港藝術課程 #香港肚皮舞節 #土耳其大師 #親子肚皮舞 #兒童肚皮舞 #成人肚皮舞 #香港肚皮舞 #土耳其肚皮舞 #肚皮舞課程 #肚皮舞表演 #節目表演#宴會表演 #肚皮舞班 #肚皮舞表演 #長沙灣舞蹈班 #肚皮舞 #舞蹈#香港 #表演 #荔枝角舞蹈班 #荔枝角興趣班 #長沙灣興趣班#bellydanceclass #hongkongbellydance #bellydancers#bellydanceshow #bellydancersong
留言
張貼留言